ஒரு மாவட்டம் ஒரு பொருள்

 'One District, One Product' (ODOP) scheme

நாம் நக்கலுக்கும் நையாண்டிக்கும் பெயர் போனவர்கள். கிசுகிசு பேசுவதில் ஆர்வம் மிக்கவர்கள். சினிமா தான் உலகம் என்று நம்பக்கூடியவர்கள். எவன் தலைவன் எவன் தறுதலை? என்பதனைக்கூட உணர மறுப்பவர்கள். வட மாநிலங்களைத் தமிழ்நாட்டுடன் ஒப்பிட்டு கற்பனை வாதங்களை எடுத்து வைப்பவர்கள். எதையும் கட்சி ரீதியாகவே பார்க்க கற்றுக் கொண்டவர்கள். அப்படிப் பார்க்காதவர்கள் முத்திரை குத்தி முட்டுச் சந்துக்குள் நிறுத்த ஆர்வத்துடன் செயல்படுபவர்கள். எதைப் பற்றிப் பேச வேண்டுமோ? அதைத் தவிர மற்ற அனைத்தையும் பேசிக் கொண்டேயிருப்பவர்கள் இந்தச் செய்தியை அவசியம் படிக்க வேண்டும்.

மொட்டைச் சாமியார் என்று காவிச் சாமி என்று கண்ணுக்குள் பீதியோடு பார்க்கப்படும் உபி (இது உத்திரப்பிரதேசம் என்று கவனத்தில் எடுத்துக் கொள்ளவும்)யில் ஒரு மாவட்டம் ஒரு பொருள் என்ற திட்டம் கடந்த பல மாதங்களாக உருவாக்கப்பட்டு தீர்மானிக்கப்பட்டு அதில் கவனம் செலுத்தி இப்போது வெற்றிப்பாதையில் பயணிக்கத் தொடங்கியுள்ளது.

மொத்தம் 45 மாவட்டங்கள். அந்தந்த மாவட்டங்களில் எவையெல்லாம் அதிகப்படியான பொருட்கள் கிடைக்குமே? அதில் கவனம் செலுத்துவது. வேறொரு பொருள் அந்த மாவட்டத்திற்கு வர அனுமதியில்லை. மற்றவர்கள் அதில் நுழைய முடியாது. 

அந்த மாவட்டத்தில் உள்ளவர்களுக்கே முன்னுரிமை. அந்த குறிப்பிட்ட பொருட்களுக்கான சந்தை வாய்ப்பு, மற்ற மாநிலங்களுக்குத் தேவைப்படுகின்ற வாய்ப்புகள், ஏற்றுமதி வாய்ப்பு இவை அனைத்தையும் கணக்கில் கொண்டு அந்த மாவட்ட தொழில் துறை அமைப்பு கவனம் செலுத்தும். அதை மாநில ரீதியான ஒருங்கிணைப்பு உருவாக்கி உற்பத்தியாளர்களுக்குத் தேவைப்படுகின்ற பயிற்சி, தொடர்புகளை உருவாக்கிக் கொடுத்தல், விற்பனை செய்ய உதவி செய்வது, கடைசி வரைக்கும் கண்காணிப்பு என்ற பல படிகளில் இன்று உபி மாநிலம் முன்னேறிக் கொண்டிருக்கின்றது.  

சமீபத்தில் விர்சுவல் கூட்டம் நடத்தப்பட்டது. 

45 உற்பத்தியாளர்கள் (பெரும்பாலும் கைவினைப் பொருட்கள்) கலந்து கொண்டனர். உலகம் முழுக்க 130 (Buyers) வாங்கக்கூடியவர்கள் கலந்து கொண்டனர்.

முழுமையான வெற்றி. 

மத்திய அரசின் வழிகாட்டுதலோடு அடுத்த கட்ட பயணத்தையும், இலக்கையும் தீர்மானித்து உபி முன்னேறிக் கொண்டு இருக்கிறது.

சூரரைப் போற்று