வெளியுறவுத்துறையும் ரயில்வே துறையும்.

பிச்சுவா பக்கிரியும், பிளேடு பொறுக்கிகளும் உள்ள இந்திய அரசியல் களத்தில் இவர்களைப் போன்றவர்களைத் தேர்ந்தெடுத்து, சுதந்திரமாக பணியாற்ற அனுமதித்த பாரதப் பிரதமர் மோடிஜி Narendra Modiஅவர்களுக்கு ஒவ்வொரு விபரம் தெரிந்த  தமிழ்ப்பிள்ளைகளும் நன்றி சொல்லக் கடமைப்பட்டுள்ளார்கள்.

இந்தியா என்றால் ஏறெடுத்துப் பார்க்காத நாடுகள், ஏளனமாகப் பார்த்த நாடுகள், திறந்து வீட்டுக்குள் நுழைபவர்கள் இங்கே வந்து போய்க் கொண்டிருந்தவர்களை மாற்றிய மரியாதைக்குரிய திரு. ஜெய்சங்கர் S Jaishankar : The Pride of India அவர்களுக்கு நன்றி. 

ஈழம் என்றால் இங்குள்ளவர்கள் அரசியலுக்காகப் பயன்படுத்தி வந்த சூழலில் ஐந்து பேர்களின் தூக்குத் தண்டனையை நிறுத்தி அவர்களை உயிரோடு அழைத்து வந்த பெருமை பாஜக அரசுக்கே சேரும். எல்லை தாண்டும் மீனவர்களை வைத்து அரசியல் செய்து கொண்டிருந்தவர்களுக்கு வாய்ப்பூட்டு போடும் வண்ணம் சாதித்த சாதனை வீரர். நீண்ட காலமாக முறுக்கிக் கொண்டிருந்த அண்டை நாடுகளை நட்பு நாடுகளாக மாற்றிய பெருமையும் இவருக்குண்டு. கற்ற கல்வி, பெற்ற அனுபவம், மனத்தூய்மை, ஓய்வில்லா உழைப்பு என்று எல்லாம் சேர்ந்து இன்று இந்திய வெளியுறவுத்துறை இந்திய மக்களின் மனம் கவர்ந்த துறையாக மாறியுள்ளது. அனைத்து மாநில மக்களின் பொது நலத் துறையாகவும் மாறியுள்ளது.

நிலையான கோடீஸ்வர சூட்சும ரகசியத்தின் உண்மைக்கதை

அழுக்கடைந்து, காசநோயாளி போலவே 60 ஆண்டுகளுக்கு மேலாக இனி இந்தத் துறையில் மாற்றங்கள் நடக்க வாய்ப்பில்லை என்று இருந்த இந்திய ரயில்வே துறையை மிகக்குறுகிய காலத்தில் மாற்றியதோடு, நம்ப முடியாத சாதனைகளும், ஆச்சரியங்களுடன் உண்மையான லாபத்தோடு நடத்திக் கொண்டிருக்கும் திரு பியூஸ் கோயல்ஜி Piyush Goyalஅவர்கள் வாழும் காலத்தில் நானும் வாழ்ந்து கொண்டிருக்கிறேன் என்பதே என்னைப் பொறுத்தவரையிலும் பெருமை.