இராமநாதபுரம் மாவட்டத்தில் புதிய மருத்துவக் கல்லூரிக்கான அடிக்கல் நாட்டு விழா சென்ற வாரம் நடந்தது. அப்போது எடப்பாடி,
"சிறுபான்மை மக்களுக்கு அரணாக எங்கள் அரசு திகழும்".
எனக்கென்னவோ "கவுண்டர் அட்டாக்" என்பது அவர் சார்ந்த சாதியைக் குறிக்காமல் தமிழக அரசியலை சசிகலாவிடம் இருந்து எடப்பாடியார் கற்றுக் கொண்ட வித்தையைக் காட்டிக் கொண்டு இருக்கின்றார் என்றே தோன்றுகின்றது.
•••••
சென்ற வாரம் இந்து முன்னணி "புஷ்பா திரையரங்கம் அருகே "சிஏஏ ஆதரவு கூட்டம்" நடத்தினார்கள். மகளுடன் சென்ற போது அவர் கேட்க வேண்டும் என்பதற்காக சில நிமிடம் ஓரமாக நிறுத்தினேன். பயந்து விட்டார். "என்னப்பா இப்படிப் பேசுகின்றார்கள்?" என்றார். ஆயிரம் வருடத்தைத் தோண்டித் தோண்டி எடுத்துக் கழுவி ஊற்றிக் கொண்டிருந்தனர். குறிப்பிடத்தக்க அம்சம் என்னவெனில் சாலை ஓரத்தில் கூட்டம் நடத்தக் காவல் துறை அனுமதி வழங்கியிருந்தனர். போக்குவரத்தில் ஒரு பிரச்சனையும் இல்லை. அவர்களும் பேசிக் கொண்டேயிருந்தார்கள். ஷாமியானா பந்தலில் கூட்டம் நிரம்பி வழிந்தது. வெளியே கடந்து போய்க் கொண்டேயிருந்தவர்கள் எந்தச் சலனமின்றி கேட்டுக் கொண்டே சென்று கொண்டிருந்தனர்.
