மோடி ஏன் வெளிநாடு சுற்றுகின்றார்?

மற்ற தென் மாநிலங்களுக்கும் தமிழ்நாட்டிற்கும் அரசியலில் ஆகப் பெரிய வித்தியாசம் என்னவென்றால் இங்குள்ள அரசியல் என்பது தனி நபர்களின் முகத்தை வைத்தே கடந்த ஐம்பது ஆண்டுகளாக நடந்து வருகின்றது.

 கொள்கை என்று எப்படிச் சொல்லிக் கொண்டாலும் இது இறுதியாக முகத்தை முன்னிறுத்துவதில் தான் முடியும்.  நீ கலைஞர் ஆளா? எம்.ஜி.ஆர் ஆளா? என்பதில் தொடங்கும்.  அதற்கு முன்னால் இருப்பவர்களிடம் கேட்டால் நீ அண்ணா ஆளா? காமராஜர் ஆளா? என்பதில் முடிப்பார்கள்.  அது தான் இன்று வரையிலும் இங்கே அரசியலாக மாற்றப்பட்டுள்ளது.  இது மாநில அரசியல்.

இதுவே தேசிய அரசியல் பக்கம் சென்றால் தற்போது ராகுலா? மோடியா? என்பதில் வந்து முடிகின்றது. 

அதன் கிளைகளாக மதவாதம், மதசகிப்புத்தன்மை என்ற கடுகு உளுந்தப்பருப்பு, கொத்தமல்லி தூவி பருப்பு வடை, மெதுவடை போன்றவை சுடச்சுட சுட்டு கொடுக்கப்படுகின்றது.  கடைசியில் மாநில, தேசிய அரசியலை மொத்தமாக உதிர்த்துப் பார்த்தால் ஒரே மைதா, ஒரே கோதுமை, ஒரே கடலை மாவு என்பதில் தான் முடியும். ஆனால் சுவை மட்டும் காலத்திற்கேற்ப மாறிக் கொண்டேயிருக்கும்.  நாமும் அதைத்தான் இன்று வரையிலும் நம்பிக் கொண்டு இருக்கின்றோம்.  அதாவது சிவப்பா இருப்பவன் பொய் சொல்ல மாட்டான் என்கிற உயரிய தத்துவம் போல.

ஆனால் நம்மவர்களுக்குச் சர்வதேச அரசியல் எந்த அளவுக்குத் தெரியும்?  அதன் பலன் என்ன? தாக்கம் என்ன? எங்கங்கு அதன் பாதிப்பு தெரியும்? எங்கிருந்து தொடங்கும்? எங்கே வந்து முடியும்? என்பதெல்லாம் தெரியாது.

நம்மவர்கள் தினத்தந்தியும், தினமலரும் அதையெல்லாம் இவர்களுக்குத் தேவையில்லை?  சொன்னாலும் புரிந்து கொள்ள இவர்களுக்கு அறிவில்லை என்று முடிவு கட்டி தான் இன்று வரையிலும் நடிகையின் அந்தரங்கத்தை அலசி அலசி காயப்போட்டு மறுபடியும் துவைத்துக் கொடுத்துக் கொண்டே இருக்கின்றது.  நாமும் இது தான் உலகம் என்று நம்பிக் கொண்டு இருக்கின்றோம்.

நேரு ஆட்சி புரிந்த காலத்தில் அவர் செய்ய மறுத்த, செய்யாமல் விட்ட பல முக்கிய முடிவுகள் இன்னமும் இந்தியாவைத் தாக்கிக் கொண்டேயிருக்கிறது என்பதனை உங்களால் நம்ப முடியுமா?  காஷ்மீர் பிரச்சனை இன்று வரையிலும் இருப்பதற்கும், சீனா அளவு கடந்து இந்தியப் பகுதிகளை தன் பகுதிகளாகச் சொந்தம் கொண்டாடுவதற்கும் முக்கியக் காரணம் நேருவே. அவருக்கு அடுத்து வந்த இந்திரா வெளியுறவுக் கொள்கையில் சில தீர்க்கமான முடிவுகள் எடுத்து இருந்த போதிலும் சர்வதேச அளவில் இந்தியாவை அவர் நினைத்த அளவுக்குக் கொண்டு போய் நிறுத்த முடியவில்லை என்பது தான் உண்மை.

காரணம் அதிகாரம் தன்னை விட்டுப் போய் விடக்கூடாது என்று அம்மையார் காட்டிய அக்கறையில் இந்தியாவின் மொத்த உண்மையான வளர்ச்சியில் அவர் பெரிதான அக்கறை கொள்ளவில்லை  என்பதும் மறுக்க முடியாது உண்மை.

ஆனால் 1991 க்குப்பிறகு நரசிம்மராவ் வந்த பிறகு இந்தியா தன் அழுக்குச் சட்டையைத் தூக்கி எறிந்தது. உடம்பு சுத்தமாக்கப்பட்டது.  சர்வதேச குளியல் என்பதே அதற்குப் பின்னால் தான் நடந்தது.  தங்கம் அடகு வைத்தால் தான் நாடு பிழைக்கும் என்ற எண்ணம் மாறி நரசிம்மராவ் ஆட்சிக் காலத்தில் உபரி அந்நியச் செலவாணி என்பதே அதன் பிறகு தான் நம் கஜானாவில் சேரத் தொடங்கியது.  இந்தியத்தாய் அதன் பிறகே ஆசுவாசமாக மூச்சு விடத் தொடங்கினாள்.

அதன் பிறகு இன்று 29 வருடங்கள் கடந்து விட்டது.  பாஜக ஏற்கனவே ஐந்து வருடங்கள் ஆண்டு முடித்து இப்போது ஆறாவது வருடத்தில் ஆண்டு கொண்டு இருக்கிறது.  சென்ற முறை மோடி மேல் தமிழர்கள் வைத்த முக்கிய குற்றச்சாட்டுகளில் முதன்மையானது இவர் வெளிநாடு சுற்றிக் கொண்டேயிருக்கிறார்? உள்ளே ஆயிரம் பிரச்சனைகள் இருக்கிறது? இவர் சுயமோக விளம்பர வெறியில் நாடு நாடாக அலைந்து கொண்டு இருக்கின்றார் என்பதே.

ஈழம் தொடர்பாக நான் படித்த புத்தகங்களின் வாயிலாக நான் அறிந்த முக்கிய உண்மை என்னவென்றால், சந்திரிகா சாதிக்க முடியாததை, ரணில் விக்ரமசிங்கே வெல்ல முடியாததை எப்படி ராஜபக்சே தன் வயப்படுத்தினார்? அதன் பின்னால் உள்ள காரணங்கள் என்ன? என்பதனைப் பார்த்த போது அவை அனைத்தும் சர்வதேச அரசியலின் ஒவ்வொரு அத்தியாயத்தையும் எனக்குத் தெளிவாகப் புரியவைத்தது. அது குறித்து ஏற்கனவே எழுதியுள்ளேன்.

மோடி இந்த வாய்ப்பை சரியாகப் பயன்படுத்திக் கொண்டவராக மாறியுள்ளார். நீங்கள் வெளிநாட்டில் நிரந்தரமாக வாழ்பவரா? வெளிநாட்டில் வேலை விசயமாகத் தங்கியிருப்பவரா? தொழில் தொடர்பாக அடிக்கடி சென்று வருபவரா? சுற்றுலா சார்பாகச் சென்று வர விரும்புவராக இருந்தால் உங்களுக்குச் சர்வதேச அரசியலில் இந்தியா ஏற்கனவே எப்படிப் பார்க்கப்பட்டது? இப்போது எப்படிப் பார்க்கப்படுகின்றது போன்ற அனைத்தும் புரியும்?

ஒட்டன்சத்திரத்தில், மதுரையில் விளையும் மல்லிகைப்பூ அன்றைய மாலையில் சிங்கப்பூர் மதுரை விமான நிலையம் வழியே சென்று சேர்கின்றது என்றால் அது சர்வதேச அரசியலின் ஒரு அத்தியாயம்.  ஓசூரில் தயார் ஆகும் பொருள் பெங்களூரு விமான நிலையம் வழியாக மறுநாள் லண்டனில் போய்ச் சேர்வதும் இதன் ஒரு அங்கமே.

முன்பு மாவட்ட அரசியல் பேசியது. அதன் பிறகு மாநில அரசியல் மக்களின் வாழ்க்கைத் தீர்மானித்தது. கடைசியில் தேசிய அரசியல் முடிவு செய்தது.  இப்போது உங்களையும் என்னையும் சர்வதேச அரசியல் தான் தீர்மானிக்கின்றது.  அது உங்களுக்குக் கடைசி வரையிலும் தெரியப் போவதில்லை.

காங்கிரஸ் ஆட்சியில் இலங்கை ராணுவத்தினரால்  தினமும் மீனவர் சுட்டுக் கொலை என்று வந்து கொண்டு இருந்தது? இப்போது வருகின்றதா?  தனுஷ்கோடியிலிருந்து, தூத்துக்குடியிலிருந்து கப்பல் போக்குவரத்து நடத்துங்கள் என்று இலங்கை அமைச்சர் இப்போது கெஞ்சிக் கொண்டு இருக்கின்றார்.  காரணம் அந்த நாடு திவால் நிலைக்கு அருகே வந்துள்ளது.  சமீபத்தில் பாஜக அரசு பாகிஸ்தானிலிருந்து இறக்குமதியாகும் பொருட்களுக்கு 200 சதவிகிதம் வரியை அதிகப்படுத்தியுள்ளது.  பாகிஸ்தான் மொத்தமாக மூழ்கியே விட்டது.

நீங்கள் ஆந்திராவைக் கடந்து வட மாநிலங்களின் உள்ளே நுழைந்து விட்டால் நீங்கள் தமிழர் அல்ல. மதராஸி.  அப்படித்தான் வடக்கத்தியர்கள் உங்களை அழைப்பார்கள்.  அதே போல நீங்கள் சிங்கப்பூர் கடந்து லண்டனில் இறங்கி விட்டால் அல்லது ஐரோப்பா, கனடா, அமெரிக்கா என்று முழுமையாக உள்ளே நுழைந்து வெளியே வரும் போது நீங்கள் இந்தியர் அல்ல.  அவர்களைப் பொறுத்த வரையிலும் நீங்கள் ஆசியர் என்று தான் அழைப்பார்கள்.

இங்கிருந்து தான் சர்வதேச அரசியலின் பாலபாடம் தொடங்குகின்றது.

 தெற்காசிய நாடுகளில் அரசியல் என்பது தற்போதைய சூழலில் இந்தியாவின் ஆட்சிப் பொறுப்புக்கு வருகின்றவர்களுக்கு மிக மிக முக்கியமானது.  அது விரிவாக விபரமாக புரிந்து கொள்ள வேண்டிய ஒன்று.  இல்லாவிட்டால் ஆட்சிப் பொறுப்பில் இருப்பவர்களையே காவு வாங்கி விடும்.  அந்த வேலையைத்தான் மோடி இப்போது செய்து கொண்டு இருக்கின்றார்.  அதன் பலன் அனைத்தும் நம் குழந்தைகளுக்குக் கிடைக்கும்.  நம்பத் தயாராக இல்லாதவர்கள் சர்வதேச அரசியல் குறித்து எழுதப்பட்ட எளிய புத்தகங்களைப் படித்து உங்களின் சிந்தனைகளில் சிறகுகளை மாட்டி வையுங்கள். உங்களுக்குப் பலன் உள்ளதோ இல்லையோ? உங்கள் குழந்தைகள் இதில் தான் இனி வாழ்ந்தாக வேண்டும் என்ற காலகட்டம் மிக அருகில் உள்ளது என்பதனை மறந்து விட வேண்டாம்.

++++++++++++++++

ஷாங்காய் ஒத்துழைப்பு அமைப்பின் 19 வது உ ச்சி மாநாட்டிக்கு கிர்கிஸ்தான் சென்றுள்ள பாரத பிரதமர் மோடிக்கு கிர்கிஸ்தானுக்கு செல்வது இது மூன்றாவது முறையாகும்.ஒவ்வொரு முறை அவர் கிர்கிஸ்தான் செல்லும் பொழுதும் அவர் கிர்கிஸ்தானைப்பற்றி நினைக்கும் பொழுது ஒரு காலத்தில் இது இந்தியாவின் மேப்பில் இருந்த பகுதியல்லவா என்று நினைத்து இருப்பார் என்று நான் நினைக்கிறேன்.

இந்த கிர்கிஸ்தான் நாடு ஒரு காலத்தில் இந்தியாவோடு இணைந்து இருந்தது என்றால் உங்களால் நம்ப முடியுமா? ஆனால் நம்பித்தான் ஆக. வேண்டும்.கனிஷ்கரின் காலடிப்பட்டு அவரின் வீரத்துக்கு கட்டுப்பட்டு இந்தியாவோடு கிபி 130 களில் அடங்கி இருந்த நாடு தான் கிர்கிஸ்தான்.

கனிஷ்கர் இந்தியாவின் இரண்டாவது பேரரசர்.

இந்தியாவின் முதல் பேரரசர் என்று பெயர் எடுத்த அசோகரின் காலத்திற்கு பிறகு மௌரியப் பேரரசு வீழ்ச்சி அடைய குஷாணப் பேரரசு உருவானது.இவர்கள் காலத்தில் தான் இந்தியாவில் நாணயங்கள் அறிமுகமானது.

கனிஷ்கர் காலத்து இந்தியாவை மேப்பில் தேடிப்பார்த்தால் இப்பொழுது மோடி தலைமையில் பிஜேபி வெற்றி பெற்ற பகுதிகளை உள்ளடக்கிய மேப் எப்படி இருக்குமோ அப்படித் தான் இருக்கும். அதே மாதிரி இன்னொரு முக்கிய விசயம் தெரியுமா?

மோடி இந்த ஷாங்காய் அமைப்பில் இந்தியாவை இணைய வைத்ததன் மூலமாக மத்திய ஆசிய நாடுகளை இந்தியாவோடு நட்புறவோடு வைத்துஇருக்க வேண்டும் என்பதே.. இதனால் என்ன பயன் என்று கேட்கிறீர்களா. இந்த அமைப்பில் உள்ள நாடுகள் அனைத்தும் இந்தியாவின் எதிரிகளான பாகிஸ்தான் சீனாவை சுற்றியுள்ள நாடுகள்.

சீனாவை தலைமையிடமாக கொண்டு செயல்படும் இந்த அமைப்பின் முக்கிய நோக்கம் என்னவென்றால் சோவியத் யூனியனில் இருந்து பிரிந்து சென்ற கிர்கிஸ்தான், கஜகஸ்தான், தஜிகி ஸ்தான், உஸ்பெஸ்கிஸ்தான் ஆகிய நாடுகள் ரஷ்யாவுக்கு எதிராக உக்ரைன் மாதிரி உருவாகிவிடக்கூடாது என்பதற்காகவே இந்த அமைப்பு உருவாக்கப்பட்ட து.

இந்த அமைப்பு 1996 ல் உஸ்பெஸ்கிஸ்தானை தவிர ஏனைய நாடுகளுடன் சேர்ந்து சீனா ஆரம்பித்தாலும் 2001 ல் உஸ்பெஸ்கிஸ்தான் இணைந்த பிறகு தான் முறையாக செயல்பட ஆரம்பித்தது. அன்றிலிருந்து இன்றுவரை 19 மாநாடுகள் இந்த 6 நாடுகளில் ஏதாவது ஒன்றில் ஆண்டுக்கு ஒரு முறை நடைபெற்று வருகிறது.

இந்த அமைப்பில் பல வருடங்களாக பார்வையா ளர்களாக இருந்த இந்தியாவும் பாகிஸ்தானும் கடந்த 2017 ம்ஆண்டில் தான் உறுப்பினர்களாக இணைந்தார்கள்.ரஷ்யா ஆதரவுடன் இந்தியா இதில் உறுப்பினராக பதிலுக்கு சீனா வம்படியாக பாகிஸ்தானையும் இதில் உறுப்பினராக்கி விட்ட து.

இப்பொழுது 8 நாடுகள் இந்த அமைப்பில் உறுப்பினர்களாக இருக்கிறார்கள்.சீனா தான் இதற்கு பாஸ் மாதிரி இருந்து நடத்தி வருகிறது. இந்தியா தெற்காசிய நாடுகளின் கூட்டமைப்பு என்கிற பெயரில் சார்க் அமைப்பை நடத்தி வருவதை பார்த்து சீனாவும் நம்முடைய தலைமையில் ஒரு அமைப்பு இருக்கட்டுமே என்று இந்த ஷாங்காய் ஒத்துழைப்பு அமைப்பை ஆரம்பித்து நடத்தி வருகிறது.

இந்த அமைப்பில் உள்ள 8 நாடுகளில் ரஷ்யாவை தவிர ஏனைய 7 நாடுகளும் ஆசியா கண்டத்தை சேர்ந்த நாடுகள் தான். ரஷ்யா மட்டுமே ஐரோப்பா கண்டத்தை சேரந்ததாக இருக்கிறது. இருந்தாலு ம் ரஷ்யாவின் ஆசியா கண்டத்திலும் இருப்பதால் ரஷ்யா இந்த அமைப்பில் சேர்ந்து விட்டதாக நினைக்க வேண்டாம்.

இந்த அமைப்பில் ரஷ்யா இணைந்ததன் முக்கிய நோக்கமே ரஷ்யாவில் இருந்து பிரிந்த நாடுகளை இந்த ஷாங்காய் அமைப்பு மூலமாக இணைத்து அவர்களுடன் வர்த்தகம் பொருளாதாரம் பாதுகாப்பு என்று உறவு வைத்துக் கொள்வதன் மூலம் கிர்கிஸ்தான், கஜகஸ்தான், தஜிகிஸ்தான், உஸ்பெஸ்கிஸ்தான் ஆகிய நாடுகள் அமெரிக்காவோடு நட்புறவு கொள்ள விடாமல் பார்த்துக்கொண்டது.

சுருக்கமாக கூறினால் கம்யூனிசம் அங்கே காணாமல் போய்விட்டாலும் அமெரிக்காவோடு இந்த நாடுகள் நட்பாகி விடக்கூடாது என்பது தான் ஷாங்காய் அமைப்பின் காரணகர்த்தாக்களான சீனா மற்றும் ரஷ்யாவின் நோக்கம்.அதுவும் இப்பொழுது ஷாங்காய் ஒத்துழைப்பு மாநாடு நடைபெறும் கிர்கிஸ்தான் சீனாவின் மேற்கு எல்லை யில் உள்ள நாடு.

அதனால் தான் ரஷ்யாவில் இருந்து சிதறிப்போ ன இந்த நாடுகளை கூட்டி வைத்து உனக்கு என்ன வேண்டுமோ அதை நாங்கள் தருகிறோம் என்று ரஷ்யாவும் சீனாவும் அந்த நாடுகளுக்கு சோறு போட்டு வளர்த்து வருறார்கள்.
ஆனால் இந்தியாவோ இந்த அமைப்பில் உள்ள ரஷ்யாவில் இரு ந்து பிரிந்த நாடுகளுக்கு நிதி உதவி அளித்து அந்த நாடுகளை இந்தியாவின் ராணுவ தளங்களாக மாற்ற வேண்டும் என்பதே..

இப்பொழுது கூட இந்த அமைப்பில் உள்ள தஜிகிஸ்தானில் உள்ள பார்கோரில் இந்தியாவின் விமானப் படை தளம் இருக்கிறது.அதோடு தஜிகிஸ்தானில் இருக்கும் அய்னி ராணுவ தளத்தையும் இந்தியா நவீனப்படுத்தி வருகிறது. இந்த அய்னி விமானப்படை தளத்தை பயன்படுத்தி தான் ஆப்கானிஸ்தானை சோவியத் யூனியன் ஆக்கிரமித்த பொழுது அங்கு அமெரிக்கா பாகிஸ்தான் படைகளோடு போர் புரிந்தது.

அது மட்டுமல்லாது சோவியத் யூனியனில் இரு ந்து பிரிந்த நாடுகளில் ராணுவ பலத்தில் ஸ்ட்ரா ங்கான உஸ்பெஸ்கிஸ்தான் ஷாங்காய் அமைப் பில் இந்தியா இணைந்தவுடன் இந்தியாவோடு நிறைய ராணுவ ஒப்பந்தங்களை போட்டுள்ளது. அதில் ஒன்று எதிர்காலத்தில் இந்தியாவின் தேவைக்கு உஸ்பெஸ்கிஸ்தானில் உள்ள கார்ஷிகானபத் விமானப்படை தளத்தையும் பயன்ப டுத்தி கொள்ள வழி செய்துள்ளது.

இதே மாதிரி ஷாங்காய் அமைப்பில் உள்ள இன்னொரு நாடான கஜகஸ்தானிடமும் இந்தியா நிறைய ராணுவ ஒப்பந்தங்களை செய்துள்ளது. அதில் முக்கியமானது பாதுகாப்பு துறையில் இந்தியாவும் கஜகஸ்தானும் இணைந்து 2019 ல் இருந்து ஸ்ட்ராடஜி பார்ட்னர்களாக செயல் படுவோம் என்று அறிவிக்கப்பட்டுள்ளது.

இன்னொரு முக்கியமான விசயம் என்னவென்றா ல் கஜகஸ்தானில் உள்ள மிகப்பெரிய ராணுவ தளமான ஒடார் ராணுவ தளத்தில் இந்தியாவின் மிலிட்டரி இருக்கிறது. அதோடு கஜகஸ்தானை சேர்ந்த ராணுவ அதிகாரிகளுக்கு இந்தியாவில் இப்பொழுதும் ட்ரைனிங் நடைபெற்று வருகிறது.

இப்பொழுது ஷாங்காய் ஒத்துழைப்பு மாநாடு நடைபெறும் கிர்கிஸ்தான் கூட இந்தியாவின் கண்ட்ரோலில் தான் இருக்கிறது.கடந்த மாதம் மோடி இரண்டாவது முறையாக பதவியேற்ற பொழுது அழைக்கப்பட்ட ஸ்பெஷல் கெஸ்ட் யார் தெரியுமா? சூரான்பே ஜீன்பெகோ தான்.

சூரான்பே ஜீன்பெகோ தான் இப்போதைய கிர்கிஸ்தான் அதிபர்.இவருக்கு இந்தியா நிறைய கடன் உதவிகளை செய்துள்ளது இவரை 2018 ல் ஒரு முறைமோடி கிர்கிஸ்தானுக்கு சென்று பார்த்து பேசிவிட்டு வந்த பிறகு தான் கிர்கிஸ்தானில் இருக்கும் பலிக்சியில் இந்தியாமவுண்டைன் ட்ரை னிங் சென்டர் என்கிற பெயரில் ஒரு தளத்தை கட்டி வருகிறது. இந்த பலிக்சிதான் சீனாவுக்கு மிக மிக அருகில் உள்ள மலைப்பகுதி.

ஆக ஷாங்காய் ஒத்துழைப்பு அமைப்பு மூலமாக சோவியத் யூனியனில் இருந்து பிரிந்த நாடுகளை தங்களின் பிடிக்குள் வைத்துக் கொள்ளலாம் என்று சீனாவும் ரஷ்யாவும் போட்டக்கணக்குகளை மோடி முறியடித்து கிர்கிஸ்தான், கஜகஸ்தான், தஜிகிஸ்தான்,உஸ்பெஸ்கிஸ்தான் ஆகிய மத்திய ஆசிய நாடுகளை தன்னுடைய ராஜதந்திரத்தின் மூலமாக இந்தியாவோடு நெருக்கமாக்கி வரு கிறார்.

ஷாங்காய் ஒத்துழைப்பு அமைப்பில் இந்தியா இணைவதற்கு மோடியே முழுக் காரணம்.இதன் நோக்கமே மத்திய ஆசியநாடுகளை இந்தியாவோடு இணங்க வைப்பதற்குத்தான்.
.
நன்றி Vijayakumar Arunagiri