நுணுக்கமான பார்வை - ஜெ.ஜெயலலிதா

நம் அன்றாடக் கடமைகளைச் செய்யத் தொடங்குவதை விட "நன்றி செலுத்துவது" முதல் கடமை என்பதால் இதனை வெளியிட்டு மகிழ்கின்றேன்.

இன்று அம்மையாருக்குப் பிறந்த நாள். பிப்ரவரி 24 பெண் குழந்தைகள் பாதுகாப்பு மற்றும் சிறப்புத் தினம் என்று தமிழக அரசு அறிவித்துள்ளது. இன்னமும் பாமர, படிப்பறிவு இல்லாத பெண்களை விட இவரைப் படித்த பெண்கள் அதிகம் விரும்புகின்றவர்கள் அதிகம் இருக்கத்தான் செய்கின்றார்கள்.

மிகவும் தெரிந்தவர்கள் சசிகலா இல்லாவிட்டால் இவர் ராஜராஜசோழன் போலப் புகழ்பெற்று விளங்கியிருப்பார் என்று சிரிக்காமல் சொல்கின்றார்கள். காரணம் கேட்டால் ஒரு தரப்பு எனக்கு ரெட்டை இலை பிடிக்கும் என்பதாகவும் மற்றொரு தரப்பு "இரும்பு மனுசி" என்றும் சொல்கின்றார்கள். ஆனால் மொத்தத்தில் அய்யய்யோ "அவர் மட்டும்" வந்திடக்கூடாது என்பதில் தான் முடிகின்றது.

காலையில் நான் நடந்து வந்த ஐந்து கிலோ மீட்டர் சுற்றளவில் பெரியார் காலணி அருகே ஒருவர் மட்டும் 6வது வட்டம் சார்பாக என்று படம் வைத்து மரியாதை செலுத்தியிருந்தார். வேறெந்த இடத்திலும் இல்லை. நேருவுக்குப் பிறகு அப்துல்கலாம். இவர்களைத் தவிர மாணவர்களிடம் வேறு எவரும் நெருங்கவே இல்லை.

இன்று மதியம் 1.30 மணி இலவசமாக வாசிக்க, உங்கள் சேமிப்பில் இருக்க வேண்டிய மின்னூலை வெளியிடுகிறேன். கிண்டில் அன் லிமிட் ல் உள்ளவர்கள் இப்போதே வாசிக்கத் துவங்கலாம். காரணம் தமிழ்கூறும் நல்லுலகம் அவசியம் போற்றிப் பாதுகாக்க வேண்டிய புனித நூல் இது. ஏற்கனவே வெளியிட்டு பலருக்கும் சென்று சேர்ந்த நூல்தான். இவர் பெருமைகளை அருமைகளை எங்கிருந்து தொடங்குவது?

இவரின் சமூகப் பணியை, தமிழகத்திற்கு ஆற்றிய தொண்டை முதல் மனித வெடிகுண்டு குயிலி என்ற பெண்மணியிலிருந்து தான் தொடங்க வேண்டும். அவர் ஆங்கிலேயர் வைத்திருந்த ஆயுதத் தளவாடங்களை சில்லு சில்லாக பெயர்க்கத் தன்னை ஆயுதமாக மாற்றியவர். இவரும் தமிழகத்தின் சமூக விதிகளை சில்லு சில்லாக பெயர்த்து எடுத்து புதுப்பாதையைக் காட்டியவர்.

ஆனால் வேலு நாச்சியார், ஜான்சிராசி லக்குமிபாய், தில்லையாடி வள்ளியம்மை, சரோஜினி நாயுடு, முதல் பெண் மருத்துவர் முத்து லஷ்மி அம்மையார், அன்னை மதர் தெரசா, இந்திரா காந்தி பிரியதர்ஷிணி போன்றோர்களின் சாதனைகளை விட இவர் வாழ்ந்த காலத்தில் செய்த சாதனைகள் அதிகம்.

இன்று திருப்பூர் தொழிலாளர்கள் காலை எழுந்தவுடன் "குடித்து வாழ வேண்டும்" என்று நல்லாசி அருளியவர். எவரும் அலையக்கூடாது என்பதற்காகச் சந்துக்குச் சந்து தொலை "நோக்குப் பார்வையில்" கடைகளை அமைத்துக் கொடுத்து தாகம் தீர்த்த தயாள குணவதி. சாராயம் விற்ற காசு நாறாது என்று புதிய புனித அரசியல் சாசனத்தைப் படைத்தவர்.

தொடங்கி வைத்தவர்.

தொடர்கின்றார்கள்.

30 ஆயிரம் கோடி என்ற இலக்கு எட்டியதற்குத் தமிழர்கள் நன்றி சொல்லக் கடமைப்பட்டுள்ளார்கள்.

நேற்று இவரின் மூன்று பாதுகாவலர்கள் பேட்டி கொடுத்து இருந்தார்கள். கார்த்திகை செல்வன் எப்படி வண்டியை ஓட்டுவது என்றே தெரியாமல் தடுமாறினார். பேசிக் கொண்டிருந்த மூன்று புனித ஆத்மாக்களும் நாங்கள் சிரிக்காமல் பேசுவோம் என்று வார்த்தைகளைச் சிந்திக் கொண்டிருந்தார்கள்.

மதியம் இலவசமாகப் பெற்று வாசித்துச் சேமித்து வைத்துக் கொள்ளுங்கள். கிண்டில் அன் லிமிட் இருந்தால் அந்தப் புனிதப் பணியை இப்போதே தொடங்கலாம். நல்ல காரியத்தைத் தொடங்க நேரம் காலம் பார்க்கக்கூடாது என்று பெரியவர்கள் சொல்வார்கள்.

இன்று தமிழகத்தில் நடக்கும், நடந்து கொண்டிருக்கும் ஒவ்வொரு செயல்பாடுகளும் எங்கிருந்து தொடங்கியது? எப்படித் தொடங்கியது? நதி மூலம்? ரிஷி மூலம்? போன்ற அனைத்தும் நுணுக்கமான விபரங்கள் அதில் உள்ளது.

24.02.2020 மதியம் 1.30 முதல் இலவசமாக வாசிக்க முடியும்.

இது கடந்த 25 ஆண்டுகளில் தமிழக சமூக அரசியல் களத்தில் உருவான உருவாக்கப்பட்ட மாற்றங்கள் மாறுதல்கள் அடங்கிய நுணுக்கமான பார்வையிது.  சேமித்து வைத்துக் கொள்ள வேண்டியது உங்கள் பொறுப்பு.  அடுத்த பத்து வருடங்களில் உங்கள் வாரிசு இதனைப் படிக்கும் போது அவர்களுக்கு நடந்த பல விசயங்களைப் பற்றி புரிந்து கொள்ள வசதியாக இருக்கும்.

ஜெ.ஜெயலலிதா -  அதிர்ஷ்டமும் ஆளுமையும்.