ஸ்டீவ் ஜாப்ஸ்

ஆப்பிள் நிறுவனத்தின் நிறுவனர் ஸ்டீவ் ஜாப்ஸ் மரணப் படுக்கையில் கூறிய இறுதி வார்த்தைகள்.

தொழில் உலகத்தில் வெற்றியின் உச்சத்தை நான் அடைந்திருந்தேன். பிறர் கண்களுக்கு, என் வாழ்வு வெற்றியின் மறுவடிவமாகத் தோன்றியது.

எனினும், வேலைக்கு அப்பாற்பட்டு நாண் கண்ட மகிழ்ச்சி மிகவும் குறைவே. முடிவில், செல்வம் என்பது எனக்குப் பழக்கமான வாழ்க்கையின் ஒரு உண்மை மட்டுமே.

இந்த நேரத்தில், என் வாழ்நாள் முழுவதையும் நினைவு கூர்ந்தால், வரவிருக்கும் மரணத்தை எதிர்கொள்வதில், நான் மிகவும் பெருமிதம் கொண்ட அனைத்து அங்கீகாரங்களும் செல்வங்களும் பலமடைந்து அர்த்தமற்றவை என்பதை நான் உணர்கிறேன்.

இருளில், நான் வாழ்க்கைத் துணை இயந்திரங்களிலிருந்து பச்சை விளக்குகளைப் பார்க்கிறேன், முணுமுணுக்கும் இயந்திர ஒலிகளைக் கேட்கிறேன், மரணத்தின் கடவுளின் சுவாசம் நெருங்கி வருவதை என்னால் உணர முடிகிறது.

நம் வாழ்நாள் முழுவதிற்க்கும் போதுமான சொத்துக்களைச் சேர்த்த பிறகு, செல்வம் சம்பந்தப்படாத பிற விஷயங்களை நாம் தொடங்க வேண்டும் என இப்பொழுது எனக்குப் புரிகிறது. ஒரு உறவாக இருக்கலாம், ஒரு கலையாக இருக்கலாம், சிறு வயதில் கண்ட ஒரு கனவாகக் கூட இருக்கலாம். அது மிக முக்கியமான ஒன்றாக இருக்க வேண்டும். செல்வத்தை இடைவிடாமல் பின்தொடர்வது என்னைப் போலவே ஒரு நபரை ஒரு விரும்பத்தகாத ஜீவனாக மாற்றிவிடும்.

எல்லோருடைய இதயத்திலும் உள்ள அன்பை உணரவே கடவுள் நமக்குப் புலன்களைக் கொடுத்தார், செல்வத்தால் ஏற்படும் மாயைகளை உணர்வதற்கு அல்ல. நான் சேர்த்த செல்வத்தை என்னால் கொண்டு செல்ல முடியாது. அன்பினால் விளைந்த நினைவுகளை மட்டுமே என்னால் கொண்டு செல்ல முடியும். இதுதான் உங்களைப் பின்தொடரும், உங்களுடன் வரும், தொடர்ந்து செல்வதற்கு உங்களுக்கு பலத்தைக் கொடுக்கும் உண்மையான செல்வம்.

அன்பு ஆயிரம் மைல்கள் பயணம் செய்யும். வாழ்க்கைக்கு எல்லையே இல்லை. நீங்கள் போக விரும்பும் இடத்திற்குச் செல்லுங்கள். நீங்கள் அடைய விரும்பும் உயரத்தை அடையுங்கள்.

உலகின் மிக விலையுயர்ந்த படுக்கை எது? - மரணப் படுக்கை.

உங்களுக்காகக் காரை ஓட்டுவதற்கு யாராவது வேலை செய்யலாம், உங்களுக்காகப் பணம் சம்பாதிக்கலாம், ஆனால் உங்களுக்காக வியாதியைத் தாங்க உங்களால் ஒருவரை நியமிக்க முடியாது.

இந்த உலக உடைமைகளை இழந்தால் அதைத் திரும்பப் பெற்றுக்கொள்ளலாம். ஆனால் ஒரு முறை இழந்து விட்டால் திரும்பக் கிடைக்காத ஒன்று உண்டு, அதற்குப் பெயர் தான் - வாழ்க்கை. ஒரு நபர் அறுவை சிகிச்சைக்குச் செல்லும்போது, ​​அவர் இன்னும் ஒரு புத்தகத்தை வாசிப்பதை முடிக்கவில்லை என்பதை உணருவார் - அது “ஆரோக்கியமான வாழ்க்கை புத்தகம்”.

இப்பொழுது வாழ்க்கையின் எந்தக் கட்டத்தில் இருந்தாலும், அதற்கான நேரம் வரும் போது, மரணத்தை நாம் சந்தித்தே ஆக வேண்டும். உங்கள் குடும்பத்தின் மீது அன்பு செலுத்துங்கள், உங்கள் துணைவரை காதலியுங்கள், உங்கள் நண்பர்களை நேசியுங்கள்.

உங்களை நன்றாகக் கவனித்துக் கொள்ளுங்கள். பிறரை நேசியுங்கள்.
•••••

இன்று முதல் இலவசமாக வாசிக்க முடியும்.

5 முதல் 50 வரை: ஐம்பது என்பது வயதல்ல.